呢個BLOG主要畀香港人去滑雪又怕搵資料既人睇, 我地一班(十幾個)人初初去滑雪, 都講緊十幾年前(無記錯既話, 應該係2003年開始), 乜都唔識, 就跟咗一個去韓國既滑雪團 “Fun Ski & Snow Festival”.
講起呢個團就真係犀利喇….去4日3夜, 包埋租Gear都係3千幾蚊….無錯, 係3千幾蚊, 係睇下面個Schedule, 又舞蹈表演又比賽又抽獎又遊戲咁, 真係抵到呢…
| 活動行程-4天3夜(龍平/茂朱渡假村) | ||||||||||
|
||||||||||
|
* 上述行程可能依實際情況而有所變動 |
如果無記錯既話, 我地跟咗3年韓國團..
第一年最正, 又厚雪又唔太凍, 雖然未識玩, 都玩得超開心…
第二年呢, 唔夠雪又唔夠凍, 咁發生咩事呢, 大家有無食過思樂冰食到一半, 果杯野水還水, 冰還冰….果時啲雪質就係咁喇, 玩完一日真係包濕全身, 連腳都濕埋…
第三年呢, 仲衰…去咁多日都無落過雪又好凍(我記係負廿幾度), 咁又發生咩事呢, 大家屋企有雪櫃咖啦, 雪櫃入面一定有冰格咖啦, 冰格入面一定試過結晒冰要溶雪啦…果時啲雪質就係咁喇, 我地成班人果時都仲未好識玩, 雖然之前已經去過兩年, 但係我地啲窮鬼, 邊有錢請教練丫, 咁我地咪成日跌到PK囉, 成日跌落冰到….跌咗幾日, 班撚樣已經屌晒鬼啦……
第四年呢, 係差啲無第四年咖喇, 因為第三年經歷太恐怖喇, 最衰得我叫做玩倒下, 上咗癮, 求班撚樣再去多次…..改去日本滑先肯去咋, 嘩….呢次去完日本成班人都一至通過唔會再去韓國啲鬼地方滑雪喇….日本食好, 住好, 玩好, 人好, 設施好, 連租gear都好過韓國好多囉..
計一計去過既雪場….
- 2003 韓國龍平 (“Fun Ski & Snow Festival”) 好彩有靚雪
- 2004 韓國龍平 (“Fun Ski & Snow Festival”) 唔夠凍，滑思樂冰
- 2005 韓國龍平 (“Fun Ski & Snow Festival”) 無落過雪，凍到hihi，滑冰
- 2006 日本 長野縣 白馬八方尾根 Hakuba Happo (呢次經驗太正, 所以以後都只會去日本滑雪)
- 2007 日本 長野縣 白馬八方尾根 Hakuba Happo
- 2008 日本 新瀉縣 苗場 Neaba
- 2009 金融海嘯, 班撚樣蝕晒啲錢, 所以無得去..
- 2010 日本 新瀉縣 苗場 Neaba
- 2011 日本 北海道 二世古 Niseko (無錯, 311地震果時我係日本滑緊雪)
- 2012 去咗歐遊, 無去滑雪
- 2013 日本 長野縣 輕井澤 Karuizawa
- 2014 日本 新潟縣 上越國際 Joetsu Kokusai
- 2015 有緊要事做, 所以又無去
- 2016 日本 北海道 二世古 Niseko
- 2017 日本 長野縣 野澤溫泉 Nozawaonsen
- 2018 日本 長野縣 白馬八方尾根 Hakuba Happo
都去咗13次滑雪喇….
買裝備(Gear)經歷
老實講, 初初玩滑雪乜都唔識, 係人都唔想買齊Full Gear架啦…..呢個我相當明白, 因為我都經歷過….之但係…..等我分享下啲經歷先啦。
花園街– 是但買, 平就買, 手套, 衫, 褲, 襪, 雪鏡都係花園買, 結果呢…
手套: 去到第一日就入水, 焗住係韓國雪場買超貴, 又唔好用既手套。
衫褲: 依家睇返啲相就覺得件衫好肉酸。
雪鏡: 第一日入風起霧, 第二日起霧結冰, 第三日爛埋….
總結..平買貴用…
香港, 日本雪具專門店 –睇咗好多次先買, 因為好貴(10年前我已經覺得好貴, 依家覺得好貴)
手套: Burton 用咗成10年, 依家仲用緊。
衫褲: Burton 用咗成10年, 依家仲用緊。
雪鏡: Oakley 2008年買，2015年終於爛咗。
鞋: 係日本買, 用咗5年, 其實要換架喇, 我自己都補咗幾次….
First layer: 著過2次, 因為覺得太熱, 所以無著, 依家係長tee+短tee+外套就上山架喇…
總結..貴買平用…
淘寶-其實點解仲要去淘寶呢….主要係因為件滑雪外套, 年年去滑雪影相都同一件衫, 分唔到邊年去邊到之外, 仲要啲相悶到咩咁, 如果年年都去買貴衫又真係貴到hi hi咁(平均2xxx~4xxx)…..所以咪去淘寶囉, 因為我覺得咁多Gear當中, 最唔重要就係件外套喇…所以Cheap野無問題。
如果你地覺得Gear好貴, 唔捨得買咁點呢, 我畀個買野次序畀你, 一年一年咁買啲咪無咁赤囉, 問人借到咪借住先囉, 日本租Gear都幾OK架。
- 鞋: 盡可能自己買, 我估無咩人想借畀你, 租又有衛生問題(我試過韓國租之後就醫咗幾年), 同埋對鞋會愈著愈舒服, 無老點你, 就係因為咁先爛晒都唔換鞋。
- 襪: 貴野都唔係好貴, 最少買兩對。
- 手套: 可以借就借, 借唔到都唔好買Cheap野, 因為用好多年, 唔駛點保養。
- 雪鏡: 可以借就借, 借唔到都唔好買Cheap野, 因為用好多年, 記得用完要保持乾爽, 長時間放防潮櫃….因為個鏡爛都係90%個海綿爛。
- 滑雪褲: 可以借就借, 買Cheap野OK喇 (cheap野都有個普, 300~500人仔到啦). 褲可以買好少少, 因為可以用好多年。
- 滑雪外套: 唔好借, 買Cheap野OK喇 (cheap野都有個普, 300~500人仔到啦)。
- 板, Binding: 想用自己野就買, 無所謂就租 (買板記得買埋板袋, 唔係就柒架喇)。
最後多謝Pixaries|彼思萊讚助我一個地方寫下野, 叫做幫下人….謝謝